«Айар куттаах иитээччи» биэриигэ кытынныбыт

Ыам ыйын 5 күнүгэр Горнай улууһун Бэрдьигэстээх «Крепыш» уһуйаанын «Күнчээн» бөлөҕүн оҕолоро, төрөппүттэрэ, иитээччилэрэ улуустааҕы «Дабаан » араадьыйа «Сыккыс» литературнай түмсүү иһинэн үлэлиир «Иэйии» диэн анал таһаарыытыгар «Айар куттаах иитээччи» биэриитигэр кытынныбыт.

Биэриини «Сыккыс» түмсүү көхтөөх кыттыылааҕа, араадьыйа диктэрэ Нина Сутакова — Айылҕаана бэлэмнээтэ.

Иитиллээччилэрим «Иллээх оҕолор» диэн кинигэбиттэн тэттик хоһооннору аахтылар, 2-3 саастаах да буоллаллар хоһооннорун сүрдээ5ин үөрэппиттэрэ киһини үөрдэр, долгутар.
Ону таһынан Россияҕа экология сылынан оҕо уһуйааныгар туох үлэ барарын кэпсээтибит.
Биир дойдулаахпыт народнай поэт Семен Данилов үбүлүөйдээх сылынан төрөппүттэр уонна иитээччилэр хоһооннорун аахтыбыт .

Маннык тэрээһин иитээччилэргэ айымньынан төрөппүтү кытта алтыһан, оҕо кыра сааһыттан уус-уран литератураны сыаналыы, ылына үөрэнэригэр, оҕо тыла сайдарыгар, билиитэ кэҥииригэр олус туһалаах.

Эбии аах:

  1. Мария Максимова:

    Улэгитигэр ессе урдук ситиьиилэри

  2. Елена Антонова - Күн Сиккиэрэ:

    Михаил Павлович — Долгун кинигэлэрин сүрэхтиинитин сырдаппыт Ангелина Захароваҕа-Уһуйаанаҕа махтал, иһитиннэрии, хаартыскалар олус бэртэр!

  3. Елена Антонова - Күн Сиккиэрэ:

    Михаил Павлович — Долгун кинигэлэрин сүрэхтиинитин сырдаппыт Ангелина Захароваҕа-Уһуйаанаҕа махтал, иһитиннэрии, хаартыскалар олус бэртэр!

Бэлиэтээһиннэр

Ваш e-mail не будет опубликован.