«Алгыстаах аартыктар»: сырдык санаанан салайтаран

«Айар кут» бассаап бөлөх республика араас улууһуттан хоһоон, кэпсээн суруйуутугар холонор дьону түмэн литература, искусство араас тиэмэтигэр кэпсэтэр, ырытар.
Ыам ыйыгар бөлөх ааптардарын айымньылара халыҥ тастаах, 40-тан тахса ааптары хабан «Алгыстаах аартыктар» дьоһун-мааны кинигэ буолан күн сирин көрдө. Киирии тылы «Айар аартыктара арыллан истин» диэн Россия журналистарын уонна СР СС чилиэнэ Муттуххай Бороҥ истиҥ тылларынан суруйда.

Кинигэбит үс түһүмэхтэн турар. Бастакы «Айар Кут. Хоһооннор» түһүмэххэ биллэрин курдук элбэх ааптар айымньыта түмүллүбүт, биирдии ааптартан үстүү хоһоон бэчээттэммит. Матрена Тимофеева – Самаана (Амма, Эмис), Матрёна Лукачевская (Таатта, Чөркөөх), Екатерина Александрова – Кээтии (Горнай, Бэрдьигэстээх), Аграфена Павлова – Арыпыана (Кэбээйи, Мукучу), уо.д.а.киирдилэр.

Иккис түһүмэххэ «Айар Кут. Ырыалар» – түөрт автор ырыата уонна ноталара киирбиттэр. Кыргыттарбыт Галина Захарова – Уордьаннаах Кыыһа, Степанида Иванова – Санаара, Екатерина Львова – Долгууна уонна Лилия Санникова кэрэ ырыалара кэккэлэспиттэр.

Үһүс «Айар Кут. Кэпсээннэр» түһүмэххэ биэс ааптар кэпсээнэ тахсыбыт. Антонина Бурцева – Далаһа, Родион Данилов – Ородьумаан, Сюзанна Кондакова – Бааска Кыыһа, Валерий Никифоров – Суор уола, Лариса Попова – Көҥүл кыыс айымньылара бэчээттэннилэр.
Бу ааптардар бары араас идэлээх дьон: суоппар, учуутал, эмчит уо.д.а. Норуот хаһайыстыбатын бары эйгэтин үлэһиттэрэ бииргэ түмсэн хатыламмат, майгыннаспат ураты айымньылара Күн сирин көрбүтэ биһигини олус үөрдэр.

«Офсет»  ХЭТ салайааччыларыгар Дария Николаевна, Алексей Максимович Скобелевтарга кэтэһиилээх кинигэбит тахсыбытынан барҕа махталбытын тиэрдэбит.
Инникитин да маннык тутуспутунан сырдык санаанан салайтаран айа-тута сылдьыаҕыҥ!

Эбии аах:

Бэлиэтээһиннэр

Ваш e-mail не будет опубликован.