Бэс ыйа

Бэс ыйа, сайын кэрэ кыыһа
Силик ситэр мааны далбара,
Тыллар кэрэнэн тыыммыта үчүгэйиэн
Уһуктар уйгуну ууммута кэрэтиэн.

Бэс ыйа, бэс ыйа кэрэ куо
Ырыалаах кэлбитэ кырдалга,
Бэс ыйа, бэс ыйа ырыа куо
Сибэкки ыһыаҕын ыспыта.

Кэрэ кыыс үөрүүтүн үҥкүүтэ
Көҥүл көтөрдүүн көтүстэ,
Ойуурга, хонууга оһуор үктээтэ
Үрэххэ,өрүскэ көҥүлү уруйдаата.

Ырыа кыыс айылҕалыын алтыста
Күөрэй күннүүн күннэтэ күлүстэ,
Ыллыы,ыллыы үрүҥ түүнү симээтэ
Хоһуйа,хоһуйа силик симэҕин ситэрдэ.

Кэрэтиэн кэлбитэ бэс ыйын мааныта
Сайыҥҥы сарсыарда мичээрдии үөрбүтэ!
Үчүгэйиэн отун маһын оһуордаах ойуута
Ыһыахтыыр түһүлгэ силигэ сиппитэ!

Эбии аах:

Бэлиэтээһиннэр

Ваш e-mail не будет опубликован.