Библиотекалар күннэрэ

Ыам ыйын 27 күнүгэр Россия үрдүнэн библиотекалар күннэрэ бэлитээнэр. Бу анал бырааһынньыктарыгар Дьокуускайдааҕы тыа хаһаайыстыбатын техникумун библиотекатын үлэһиттэрэ ким туох интэриэстээҕинэн быыстапка оҥорон көрдөрдүлэр.

Дьокуускайдааҕы тыа хаһаайыстыбатын техникума эһиил, 2017-18 үөрэх дьылыгар өрөгөйдөөх үйэлээх үбүлүөйүн бэлиэтиир. Бу кырдьаҕас үөрэх кыһатыгар библиотека — биир сүрүн үлэлиир, үөрэнэр сир. Сэбиэдиссэй — Светлана Софроновна Иванованы кытта үлэһиттэр: Саргылана Софроновна Иванова, Татьяна Николаевна Ильина, Анна Владимировна Стародубцева үөрэх дьылын эргиччи араас ыытыллар үлэлэргэ көхтөөхтүк кыттан, араас тэрээһиннэри иилээн-саҕалаан билии кыһатын сүрүн үлэһиттэрэ буолан олороллор.

Устудьуоннарга, үлэһиттэргэ анаан вайфайдаах анал компьютер кылааһа үлэлиир. Быйылгы үөрэх дьылыгар бастыҥ ааҕааччынан туйгун үөрэнээччи Евдокия Степанова (2 агро) таҕыста. Кини сүрүннээн идэтигэр билиитин хаҥатар литератураны ааҕар. Үчүгэй ааҕааччыларга киирсэллэр: Игнатьев Вадим (2 мех) , Яковлева Люба (2 тех), Гоголев Иван (1 пиосо » В»).

Библиотека фондата улахан, 100 сыл устата мунньуллубут араас литература хараллан турар (40000, мантан сороҕо туһата тахсан суох оҥорулунна). Күһүн аайы маҥнайгы кууруска үөрэнэ киирбит устудьуоннарга анаммыт билсиһиннэрии нэдиэлэтиттэн көхтөөх үлэ саҕаланар.

Бэлиэтээһиннэр

Ваш e-mail не будет опубликован.