«Биэс ынахтаах Бэйбэрикээн эмээхсин» киинэ

Бэс ыйын 1 күнүгэр оҕо көмүскэлин күнүн бэлиэтээн республика үрдүнэн араас тэрээһин ыытылынна.

Ол чэрчитинэн » Киин» киинэ театрыгар «Биэс ынахтаах Бэйбэрикээн эмээхсин» (режиссер Е.Егорова) 1860 с. Иван Худяков Үөһэ Дьааҥыга истибит остуоруйатын, үгэс буолбут кэпсэлиттэн атынын, «Саха» НКИК уонна К.И.Максимова-Сайыына аатынан духуобунас киинэ холбоһук акцияларын көмөтүнэн босхо сеанс көрдөрүлүннэ.

Аида Власьевна Плаҭонова — Бэйбэрикээн эмээхсини, Василий Васильевич Слепцов — Хайҕамсык Хара Хааны, Айталина Терентьева — Бэйбэрикээн эмээхсин кыыһын, Егор Андреевич Федотов — Хайҕамсык Хара Хаан уолун оонньообуттара. Тэттик остуоруйа-киинэҕэ уһуллубут духуобунас киинин курсааннара, хаһан да киинэҕэ да, сыанаҕа да оруолга оонньооботох дьон уонна кинилэр о5олоро, сиэннэрэ кэлэн, көрөн астынан бардылар.

Режиссер Елизавета Егорова

 

Бэлиэтээһиннэр

Ваш e-mail не будет опубликован.