Күн тахсыыта

Күөрэй күммүт
Көҥүл көтөөрү,
Көччүйэр күөнүнэн
Күнү бэлэхтээри,
Илиҥҥи саҕах
Иһийбит чуумпутун
Түүҥҥү халлаан
Тырым сулустарын,
Сырдык күүһүнэн
Сыыйа кыйдаата
Кылдьыы былыты
Кырымах өҥнөөтө.
Өндөйөн көтүөҕүн
Уһуктан уоттаныан
Саһарҕа өҥүнэн
Саҕахха санатта,
Ситэн этиллибэт
Сиэдэрэй өҥүнэн
Билии былыты
Билэ симэхтээтэ,
Өрөһүлтэ биэрбэтэ
Өҥнөрүн уларытта
Саҕах сандаарда
Сарыала сырдаата,
Күүстээх күммүт
Көмүс күөнэ
Күөрэс гынна
Көҥүл көттө.
Хайа эрэ түгэн
Ханнык эрэ кэм
Килбик кыыстыы
Кэмчиэрийэ сырдаата,
Онтон уоҕурда
Күөрэйдэр күөрэйдэ
Халдьаайыттан халбарыйда
Кууланы кууста,
Туонатын кэҥэттэ
Тулатын толордо
Имэрийэ симээтэ
Ийэлии таптаата,
Утуйбут уйгуурда
Уһуктан ыллаата
Сырдыкка тардыста
Кэрэни кэпсээтэ.
Дорообо үтүө сарсыарда
Тыллар айылҕам кэрэтэ!
Дорообо көҥүл күммүт
Көмүс ньээкэ уйабыт!

Эбии аах:

Бэлиэтээһиннэр

Ваш e-mail не будет опубликован.