«Мэҥэ Кэскилэ» оҕолор слеттара

Мэҥэ Хаҥалас улууһугар үгэс буолбут «Мэҥэ Кэскилэ» оҕо тэрилтэтин слёта ыытылынна. Быйыл слёт Саха Республикатыгар оҕо тэрилтэлэрин 25, Россияҕа пионерскай тэрилтэ 95 сылларыгар уонна Мэҥэ Хаҥалас улууһугар үөрэҕирии ситимигэр оҕо инициативатын сылыгар ананна.

Слёкка 200-чэкэ үөрэнээччи улуус 25 оскуолатыттан кытынна. Биһиги ытыктыыр күндү ыалдьыттарбытынан улууска оҕо хамсааһынын ветераннара буоллулар.

«Итии сүрэх» бэлиэни Ороссолуода оскуолатын 10 кылааһын үөрэнээччитэ Эдгар Игнатьев уонна Трифон Антонов (өлбүтүн кэннэ) 2015 с. ууга түспүттэри быыһаабыт хорсун сырыыларыгар ыллылар.

Оҕо хамсааһынын сайдыытыгар бэйэлэрин кылааттарын киллэрбит дьоһуннаах дьоммутун наҕараадалаатыбыт.

Слёт чэрчитинэн «Мин оҕо сааһым тэрилтэтэ», «Салют, Пионерия!» стройу уонна ырыаны көрүү, «Мэҥэ Кэскилэ» гитаранан ырыа куонкурустара, «Бары бииргэ – күүс, кыах, көтүү!» квест-оонньуу ыытылынна.

Тэрэһин тымныыны, тыалы- кууһу аахсыбакка, уот да суох диэбэккэ олус үрдүк таһымҥа, көхтөөхтүк барда.

Эбии аах:

Бэлиэтээһиннэр

Ваш e-mail не будет опубликован.