Мэлдьэхси оскуолатыгар тиһэх чуораан чугдаарар

Академик А.В. Чугунов аатынан Мэлдьэхси орто оскуолатыгар Тиһэх чуораан бырааһынньыга тэрээһиннээхтик ааста. Үс көлүөнэ: алын кылаастар (cал. Алевтина Кривогорницына), ситэтэ суох орто оскуоланы (Татьяна Колесова), орто оскуоланы бүтэрээччилэр (Варвара Аргунова) дохсун ытыс тыаһынан киэркэйбит оскуола саалатыгар муһуннулар.

Оскуола дириэктэрэ Лариса Сыромятникова эҕэрдэ тылынан, бүтэрээччилэр бары экзамеҥҥа киирбит үтүө сонуннарынан үөрүүлээх миитин саҕаланна.

Бэйэлэрин эҕэрдэлэрин олохтоох дьаһалта баһылыга Владимир Шарин, Мэҥэ Хаҥалас улууһун ыччат уонна дьиэ кэргэн управлениетын начальнига Константин Захаров, бастакы учууталлара Лена Сивцева, төрөппүттэр ааттарыттар Ольга Сокольникова тиэртилэр, сэмэй бэлэхтэрин туттардылар.

Быйылгы үөрэх дьылыгар үөрэх туйгуннарыгар, араас таһымнаах ааҕыылар, олимпиадалар, күрэхтэр кыайыылаахтарыгар анал ааттар, наҕараадалар туттарылыннылар.

«Бастаан тыл баара» — Максим Андросовка, 8 кыл. (Ольга Дьяконова), «Сахам мандар саҥата» — Шура Свинобоеваҕа, 6 кыл. (Акулина Семенова), «Дьаныар уонна өрө күүрүү» — Женя Колесовка, 6 кыл. (Татьяна Колесова), «Билиэн- көрүөн баҕалаах» — Кристина Куприяноваҕа, 10 кыл., «Эдэр чинчийээччи» — Лия Плотниковаҕа (Любовь Степанова), «Тахсан иһэр талаан» — 2 кылаас үөрэнээччилэрин бөлөҕөр, «Сыл бастыҥ куолаһа» — «Ыллыкчаан» квартекка (Саргылаана Плотникова), «Спорт үрдүк чыпчаалларыгар» — Дима Колесовка, 8 кыл., «Олимп чыпчаалларыгар» — Проня Говоровка, 3 кыл. (Ольга Иванова), «Саамай көхтөөх үөрэнээччигэ» — Дарина Андросоваҕа, 11 кыл., (Юлия Петрова), » Бастакы үктэл» — Карина Эверстоваҕа, 4 кыл., «Оскуолатааҕы кэрэ сылларым» — Айсен Герасимовка, 5 кыл., «Билии үктэллэрин дабайан» — Айаал Кривогорницыҥҥа, 11 кыл., «Сыл бастыҥтан бастыҥа» — Юля Яковлеваҕа, 11 кыл. (Лариса Сыромятникова) туттардылар.

Үөрэх дьылын түмүгүнэн «Сыл бастыҥ кылааһа» алын кылаастарга 2 кылаас ноутбугунан (сал. Анна Герасимова), орто сүһүөххэ 7 кылаас (сал. Нарыйа Барахова), үрдүкү кылаастарга 10 кылаас (сал.Иннокентий Аргунов) миэбэллэринэн наҕараадаланнылар.

Урбаанньыттар бырайыакка үөрэнээччилэр үс бөлөххө арахсан, араас хайысхалаах үлэни ыытан, үп- харчы киллэрэн, икки хамандыыр: Лия Плотникова, Любовь Власова мэтээл кэттилэр, ону тэҥинэн оҕо түмсүүтүгэр анаан музыкальнай киини, «Үөрэнээччилэр биһирэбиллэрэ» ааты эдэр история учууталыгар Иннокентий Аргуновка «Байанай» маҕаһыынтан сертификаты оскуола директора Лариса Сыромятникова туттарда.

Эбии аах:

Бэлиэтээһиннэр

Ваш e-mail не будет опубликован.