«Отуу уота» көхтөөхтүк күлүбүрүүр

Ыам ыйын 12 күнүгэр Намҥа «Отуу уота» литературнай түмсүү сыллааҕы отчуота ыытылынна. Нам народнай театрын салайааччыта, иһирэх намыын куоластаах Алексей Карлович Кривогорницын алгыһынан тэрээһин саҕаланна. «Отуу уота» литературнай түмсүү сыллааҕы үлэтин салайааччы Александр Дунаев отчуоттаата.
Быйыл СӨ суруйааччыларын союһугар бу литературнай түмсүүттэн 14 киһи киирбит. Кинилэр истэригэр Ытык кырдьаҕастар Иван Афанасьевич Бубякин — Чөҥөчөк 85, Василий Васильевич Ушницкай- Сэки 85, Иннокентий Николаевич Елисеев — Усхаан 75, эмиэ үбүлүөйдээх саастаах Лидия Егоровна Пестрякова — Үүнэр кыыһа, Прасковья Дмитриевна Байанаева бааллар, Махтал суруктары уонна сэмэй бэлэхтэри туттулар.
СӨ СС бэрэссэдээтэлэ Иван Мигалкин суруйааччылар союзтарыгар быйыл киирбиттэри эҕэрдэлээн туран, СӨ суруйааччыларын союһун үрдүкү наҕараадатын — В.В. Никифоров- Күлүмнүүр бэлиэтин — Прасковья Баянаеваҕа туттарда.
Салгыы бэйэлэрин эҕэрдэлэрин Нам улууһун культуратын управлениетын начальнига Елена Заровняева, Н. Рыкунов аатынан библиотека үлэһиттэрэ Наталья Павлова, Раиса Дьяконова, Христина Попова эттилэр. Дьокуускайтан «Офсет» ХЭТ салайааччылара Дария, Алексей Скобелевтар «Отуу уоттара» литературнай холбоһугу кытта бииргэ таһаарыылаахтык үлэлээн кэлбиттэрин уонна үтүө үгэс салгыы тэнийэн иһиэҕин баҕаран туран түмсүүгэ кинигэ таһааралларыгар 5000 сертификат бэлэхтээтилэр.
Көрсүһүү Татьяна Евсеева, Вера Колпашникова, Лидия Пестрякова — Үүнэр кыыһа, эдэр кэскиллээх этээччи Матрена Порядина таһаарыыларынан оһуохайынан, Мария Гоголева салайыытынан остуол оонньуутунан түмүктэннэ.
«Отуу уота» түмсүү айар үлэтэ өрүү маннык көхтөөхтүк умайан күлүбүрүү турарыгар баҕарабыт.

Отправлено с iPhone

Эбии аах:

Бэлиэтээһиннэр

Ваш e-mail не будет опубликован.