Продюсер диэн кимий?

«Саха» көрдөрөр-иһитиннэрэр хампаанньа федеральнай ханааллары кытта тэҥҥэ сайдыы суолун тутуһар; ол курдук, бу саас продюсерскай диэн көрүҥҥэ бэйэтин үлэтин көһөрүөҕэ. Биллэн турар, маннык уларыйыы анал бэлэмнээх специалистары эрэйэр, онон «Саха» НКИХ салалтата үлэһиттэрин үөрэттэрбитэ иккис сыла. Казаннааҕы федеральнай университет электроннай СМИ кафедратын доцена Миляуша Айтуганова кэлэн билиитин үллэстэн барда. Кини Татарстан телевидениетигэр 15-тэн тахса сыл кылаабынай продюсерынан үлэлээбит буолан, бу эйгэҕэ уопута сүҥкэн.

Продюсер таһыттан харчы киллэриигэ үлэлиэхтээх, уонна туох туһунан, хас саастах аудиторияҕа тугу көрдөрөру-кэпсиири барытын суоттуохтаах. Кэнники кэмҥэ аныгы, сайдыылаах олоҕу хамсатааччынан интернет ситимэ буолла. Билигин үгүспүт сарсыардата интернет ситимиттэн саҕаланар, онно киирэн саҥаны, сонуну билэбит. Продюсерскай диэн ааттанар формакка көһүү — бу олох, кэм ирдэбилэ, диир «Саха» НКИХ. Билиҥҥи телевидение бүтүннүүтэ ити тиһигинэн үлэлии-хамсыы олорор. Республикабыт сүрүн телеканала салгыы сайдарыгар, саҥа саҕахтары арыйарыгар бу ураты хардыы буолуоҕа диэн көрөөчулэр-истээччилэр эрэнэллэр.

  1. Уйбаан:

    НВК-ага туьата суох продюсер син биир, Республика киниэхэ продюсер буо. Хаччы булан тугу эрэ таьаараары гыннахтарына син биир цензура баар буолуо, оччого зачем продюсер?

Бэлиэтээһиннэр

Ваш e-mail не будет опубликован.