Сайыҥҥы күнүм

«Тыҥ!»,- гынан уу-чуумпу
Тыҥалара тыҥаата,
Түүн-хотун уу-чуоҕур
Тиҥилэҕэ сырдаата…

Симик ибир кылыгыраан
Сыттыктарбар тоҕунна,
Сэмэй имэ тылыбыраан
Сыллаан-уураан уоһунна…

Муҥутуур дьол кыынньар,
Мутукча сыта дыргыйар,
Үчүгэйиэн сайыҥҥы күнүм
Үрүмэ былыттаах күлүүҥ…

Суһал соруктаах моҕотой
Суолу туораан хоройор,
Эриэн көхсүн оҕото
Элэстэнэн олорор…

Сыһыыга киирэ сырыттым
Сүүрэн-көтөн ыллым,
Сылгы сиэлэ дэйбиирдэммит
Сайын кыыспыт кэлбит эбит…

Эбии аах:

  1. Хоһуунай:

    Муҥутуур дьол кыынньар,
    Мутукча сыта дыргыйар,
    Үчүгэйиэн сайыҥҥы күлүүҥ
    Үрүмэ былыттаах күнүм…

    Күн Сиккиэрэ хоһуйар хоһооно кэрэтиэн,этэр санаата сырдыгыан!

Бэлиэтээһиннэр

Ваш e-mail не будет опубликован.