Сыллааҕы сылааны таһааран

Мэҥэ улууһугар академик Афанасий Чугунов аатынан Мэлдьэхси орто оскуолатыгар методическэй холбоһуктарынан арахсан араас көрүҥнээх спортивнай күрэхтэһиилэр сыл устата ыытыллаллар. Үлэһиттэр күрэххэ көхтөөхтүк кытталлар. Дуобат, саахымат, саха төрүт оонньуулара, остуол тенниһэ, волейбол, сыал ытыыта, биатлон ГТО нормативтарын туттарыытыгар ыйдарынан аттарыллан тэриллэллэр.

Оскуола профкома 5 киһиттэн талыллан үлэлиир, председатель- Алевтина Кривогорницына. Ыам ыйын 31 күнүгэр профком тэрийиитинэн айылҕаҕа тахсан, бастыҥнары эҕэрдэлээн, оонньоон- көрүлээн киирдибит.

Күрэхтэһии түмүгүнэн алын кылаас, эстетическэй холбоһук түмсүүтэ бастаата (салайааччы Анатолий Охлопков), иккис миэстэни интэринээт түмсүүтэ (Надежда Андросова), үһүс миэстэни естественнай -математическай холбоһук (Иннокентий Аргунов) ыланнар мэтээллэринэн наҕараадаланнылар. Күрэхтэһиилэргэ кылаабынай судьуйанан Иннокентий Степанов үлэлээтэ.

Сыллааҕы сылаа кэннэ айылҕаҕа тахсан, дуоһуйа сынньанан, оскуола профкомугар махтанан, инники экзаменнарга ситиһиини баҕарсан тарҕастылар.

Эбии аах:

Бэлиэтээһиннэр

Ваш e-mail не будет опубликован.