Уран кинигэтэ Национальнай библиотекаҕа

Күндү сахалыы кинигэни таптаан ааҕааччылар уонна дьоһун-мааны Дьокуускай куорат олохтоохторо!
Бу дьыл муус устар ый 5 күнүгэр, киэһэ 16 чаастан А .С. Пушкин аатынан Национальнай библиотека
историческай саалатыгар Америка Виргиния штатыгар Фэрфакс уокурукка олохсуйан олорор биир дойдулаахпыт, Сунтаар улууһун Элгээйи нэһилиэгиттэн төрүттээх Егоров Прокопий Митрофанович — Уран саха дьонун дьүүлүгэр таһаарбыт «УРАН-АҔАЙ уонна АҔА АЙЫЫБЫТ – УРАН» диэн кинигэтин ааҕааччылары кытары билиһиннэрии киэһэтэ буолар.

Бу истиҥ кэпсэтии күүтүүлээх ыалдьыттара: Прокопий Митрофанович, Сьюзи-Александра Крейт Егоровтар, кыыстара Кэтрин-Туйаара, төрөппүт Герой ийэлэрэ, 91 саастаах Егорова Матрена Наумовна, ону таһынан Прокопий-Уран бииргэ төрөөбүттэрэ, чугас аймахтара.

Кыттыыны ылыахтара: саха тылын үөрэтэр учуонайдар, суруйааччылар, телевидение, хаһыат үлэһиттэрэ, ситэриилээх былаас представителлэрэ, студеннэр, биир дойдулаахтара, саха кинигэтин таптаан ааҕааччылар.
Бу тахсыбыт кинигэ тула кэпсэтиигэ кэлэн кыттаргытыгар, көрөргүтүгэр уонна сэргииргитигэр ыҥырабыт!

Дьокуускай куоракка Сунтаар улууһун Түмэр сүбэтэ.

Эбии аах:

Бэлиэтээһиннэр

Ваш e-mail не будет опубликован.