«Ырыа — сүппэт үйэлээх!»

«Мэҥэ күөрэгэйэ» дэппит Дьэримиэй барахсан байаанын тимэҕин оонньотон өр дьүрүһүттэҕинэ киһи эрэ сүргэтэ көтөҕүллэрэ. «Майатын» ыллаатаҕына хас биирдиибит хараҕар Майа кэрэтийэн көстөрө. Ол курдук аҥардас биир ырыатынан тапталлаах Майатын хайдах курдук биллэрэр кэрэ матыыбай!

Олох аналынан олоҕун аргыһын, Сунтаар күөрэгэйэ Светлана Георгиевнаны көрсөн, икки эмдэй-сэмдэй уолаттарга күн сирин кэрэтин көрдөрөн, удьуорун ууһаттаҕа, аат ааттатан ,»хаамар хартыыналарын» хааллардаҕа…

«Ырыа — сүппэт үйэлээх!» — диэн мээнэҕэ эппэттэр, онон кини айбыт, эйээрбит ырыалара ыллана, кэрэхсэнэ туруохтара, өлбөт-сүппэт үйэлэниэхтэрэ!

Ол туоһутунан, тапталлаах кэргэнэ, Светатын дьоро күнүгэр, Мэҥэлэр талба талааныгар сүгүрүйээччилэр, алгыс амтаннааҕын, тойук дорҕооннооҕун, үҥкүү-ырыа үтүмэнин анаарыгыт кэрэ эйгэ киэҥ түһүлгэтигэр үөрэ-көтө мустаарыҥ диэн ыҥырабын!
Эдэр саастан аллар атастара, Лоомтукаттан М.П. Яковлева.

Ытык мааны Майабыт олохтоохторун ыам ыйын 27 күнүгэр, 17 чаастан Д.Ходулов аатынан театрга, убаастыыр кийииппит, Светлана Гоголева олоҕун омурҕана биэс сыла тору томточчу туолбут үөрүүлээх киэһэтигэр ынырабыт!

Программаҕа:
😂көрдөөх сценкалар,монологтар.
💐Саха сирин биллиилээх ырыаһыттара,мелодистара,артыыстара.
🌴Индийскэй ырыалар үҥкүүлэр.
🌻Эҕэрдэлэр.

Кэлиҥ,көрүҥ,үөрүҥ-көтүн,биһигинниин бииргэ буолуҥ!
Киирии билет сыаната 250 солк.

Светлана Гоголева үөрүүлээх киэһэтэ

Бэлиэтээһиннэр

Ваш e-mail не будет опубликован.